قصيدة ((سبع الكنطرة))

[ندعوك للتسجيل في المنتدى أو التعريف بنفسك لمعاينة هذه الصورة]
قصيدة ((سبع الكنطرة))
خادم أهل البيت عليهم السلام
محمد السعدي
كوم ياعباس سبع الكنطرة
كوم ياعباس راعي المرجلة
هذا أخوك حسين نايم بالفلة
حزو الركبه الشريفة
آه واويلاه عملة كربله ((المستهل))
ــــــــــــــــــــــــــــــــــــــــــــــــــ
انته بالخوه صرت أكبر مثال
نعم والنعمين من هاي الرجال
علمتنه انصول صولات الأبطال
عباس إبن حيدر علي
خيال إبن هالخيال تشهدله ساحات الوغه
آه واويلاه عملة كربله
ــــــــــــــــــــــــــــــــــــــــــــــــــ
من تنخه حسين بيك
كوم ياعباس هاي الموزمه
خويه كوم اسكي العطاشه
هاذي أطفالك يخويه مجزره
من سمع هالنخوة عباس انتفض
كال عد عيناك إبن حامي الحمه
آه واويلاه عملة كربله
ــــــــــــــــــــــــــــــــــــــــــــــــــ
سمع صوت من المخيم يندهه
وين أخويه الكفل ضعني بالوفه
صاح عد عيناج زينب
يابنت أطهر دمه
آنه أخوج حزام ظهرج
وليمس ذيال خدرج أسحكه
آه واويلاه عملة كربله
ــــــــــــــــــــــــــــــــــــــــــــــــــ
آنه خادم هالرساله
القادهه ابن الرسول وما انثنه
لأن بالحق إحنه جينه
وما أبدل فكر ثابت أنزله رب السمه
آنه عد عيناج يختي
أفدي الحسين بركبتي وما أوفي العائله
آه واويلاه عملة كربله
ــــــــــــــــــــــــــــــــــــــــــــــــــ
صال أبو فاضل تعنه للنهر
وكشف الأعداء عن المشرعه
شال بيده الماي يشرب
ذكر كلب حسين أخوه اليبسه حر الضمه
كون أودي الماي بيدي
أسكي زينب وأسكي الأطفال العطاشه مكوطره
آه واويلاه عملة كربله
ــــــــــــــــــــــــــــــــــــــــــــــــــ
وبعد ما أمله كربته كام كاصد للمخيم
تحاوطه جيش العده
ومن وره النخله تصداله حكيم
وبسهم عينه طفاهه حرمله
وبعد ما كطعوا يمينه
صال بشماله ولا عزمه إنثنه
آه واويلاه عملة كربله
ــــــــــــــــــــــــــــــــــــــــــــــــــ

دارو الأنذال إجوه من كل مكان
وكامو يمطرو بسهام البله
واحد تمكن شماله وكطعه
وواحد بعامود الحديد اضربه
صار جسمه من الطعن ماينعرف
ووجهه مخضوب بدمه
آه واويلاه عملة كربله
ــــــــــــــــــــــــــــــــــــــــــــــــــ
صاح صوت الأسد زمجر
هز عساكر آل أميه الظالمه
وين أخويه حسين أودعه
ومنه آنه تشفه روحي وأحضنه
جاه أخوه حسين يهدر
قبل جفوفه ويحبه إبمبسمه
آه واويلاه عملة كربله
ــــــــــــــــــــــــــــــــــــــــــــــــــ
كله خويه أعتذر منك
ما وفيت أسكي العطاشه من الضمه
كفو منك يبو فاضل
انته أديت الأمانه والمواقف كلهه منك غانمه
آه واويلاه عالكطعو جفوفه
آه واويلاه عالغبره أعوفه
راح من إيدي عضيدي
هذا قربانك إلاهي وإحسبه
ــــــــــــــــــــــــــــــــــــــــــــــــــ
كوم ياعباس سبع الكنطرة
كوم ياعباس راعي المرجلة
هذا أخوك حسين نايم بالفلة
حزو الركبه الشريفة
آه واويلاه عملة كربله ((المستهل))
ــــــــــــــــــــــــــــــــــــــــــــــــ
تمت بإذن الله تعالى
مع تحيات
خادم اهل البيت عليهم السلام
محمد السعدي