قصيدة (( السبي ))

[ندعوك للتسجيل في المنتدى أو التعريف بنفسك لمعاينة هذه الصورة]

قصيدة ((السبي))
خادم أهل البيت عليهم السلام
محمد السعدي
لطمية ثلاث دقات
خلينه أبو السجاد فوك الوطيه
بلايه غسل مذبوح بالغاضريه
ـــــــــــــــــ ((المستهل))
من ذبحو المظلوم إحنه انسبينه
صديت أنه لحسين وأرد أشتجيله
يسروا علي السجاد ومكيدينه
وكيدو بالزنجيل ركبة عليله
هلن إدموعي عليك يبن الزجيه
ـــــــــــــــــــــــ
قوم آل أميه اتصيح للوادم اتشوف
بالكوفه أنه يحسين لن خدري مكشوف
حكهم نسو زينب بت علي المعروف
لاجن وحك عيناك صفيتهم اصفوف
واخطبت أنه بهالناس خطبه زينبيه
ـــــــــــــــــــــــــ
من كربله للشام أخذوا إعيالك
شمر وزجر بالسوط ضربوا أطفالك
وبشوفتك ياخوي جنه انتبارك
حيلي إنهدم يحسين باللي جرالك
وين الشيم ياناس وين الحميه
ـــــــــــــــــــــــ
آل النبي بالشام صارو خوارج
هذا اليشتم بيك وذاك اليبارج
يخويه من الخوف كمنه انتلاوج
بذاك الفزع ونخيت باب الحوايج
إنهض يداحي الباب للفاطميه
ـــــــــــــــــــــــــ
بمجلس يزيد إهناك طبن خواتك
بالخيزرانه انشوف يضرب شفافك
الشامي يكل ليزيد هذا أغاتك
بالغدر والأحقاد هذي صفاتك
شيل العصا عن حسين يبن الدعيه
ـــــــــــــــــــــــــ
بالقهر والأحزان عنك مشينه
يخويه مهضومين لأرض المدينه
تنشدنه هاي الناس عن الضعينه
غيبة أبو السجاد طالت علينه
عفته على التربان بالطف رميه
ـــــــــــــــــــــــــ
صاح إبن حذلم صوت سمعوا يهاالناس
ظل الحسين بكربله جثه بلا راس
وذبحو هله وربعه والبطل عباس
وهذا الجره لحسين سجلونه بقرطاس
والمشتكه لله رب البريه
ــــــــــــــــــــــــــ
تمت بعون الله تعالى
خادم اهل البيت عليهم السلام
محمد السعدي

» قصيدة ((سبع الكنطرة))
» قصيدة ((عتب زينب ع))
» قصيدة ((المن هالنعش))