المدير العام المدير العام
اسم الدولة : الجنس : الابراج : عدد المساهمات : 367 نقاط : 865 النشاط : 0 تاريخ التسجيل : 19/11/2011 العمر : 63 الموقع : العراق العمل/الترفيه : مدرس لغة عربية متقاعد المزاج : الحمد لله والشكر على ما انعم علينا
| موضوع: قصيدة (((ياكوثر محمد صلى الله عليه وآله))) السبت سبتمبر 01, 2012 1:05 am | |
| [ندعوك للتسجيل في المنتدى أو التعريف بنفسك لمعاينة هذه الصورة]قصيدة (((ياكوثر محمد صلى الله عليه وآله))) خادم اهل البيت عليهم السلام محمد السعدي اريد اكتب قصيده وأوصف الزهرة. . . ومنهو آنه وأوصفج يا ضوه العين بس رب العباد الحِسَن توصيفج. . . انتو بسورة الرحمن موصوفين يا كوثر محمد سيد الكونين. . . ويا زهرة الدنيا ودرة الدارين ياسورة الناس وآية التطهير. . . يا جنة الكون وسورة الياسين يا أم الأبوهه ويفتخر بيج. . . تباهل بيج من دون النساوين يمن اسمج دوه وبلسم للجروح. . . ويمن ذكرج ورد طيب ورياحين من سابع سمه شخصج زهر للكون. . . وصرتي انتي الشمس وبنورج تضوين يا بضعة الهادي وريحة الجنة. . . يا محبوبة الكرار ابو السبطين غذائج من ثدي الايمان. . . وبلاغة من النبي اتحملين مدرسة العلم انتي. . . ومنج كلنه متعلمين ونياله اليوالي بضعة المختار. . . يعيش بجنة الفردوس فرحانين ومنو مثلج ملائكة السمة اتخدمج. . . والرحمن يغضب لمن اتغضبين انتي آيات الكتاب الانزله الباري. . . يتاج الراس انتي بالقلب تبقين ذرية محمد كله من عندج. . . أئمتنا وعليهم احنه معتمدين كفو منج و منهم للشدايد. . . تحلون المشاكل للمؤمنين ماواحد كصد ليكم رجع خايب. . . نطيتوا ايدامكم الكل المساكين انتو اهل الكرم والجود. . . وانتوا اصل العرب وجلمة الطيبين بعد ياهو اليزامط من بعدكم. . . واذا واحد يكول اني فلا من ملة الدين وحك رب العباد الانزل الفرقان. . . ما تقبل صلاة الناس الا وانتو مذكورين والاخر عهد وياج يالزهره. . . واحنه اعله العهد باقين ماننسه الضلع والباب وسقطة المحسن. . . وبسمارج زرف كلب المحبين وشنهو اللي اذكرة من مصايبكم. . . مدري امصيبتج اذكر مدري كطعة الجفين لو افجع مصيبه اعله النبي الهادي. . . من كتلو علي الاكبر وحزو راس الحسين لو من كيدوا السجاد بالزنجيل. . . لو من اخذو الاطفال والنسوان مسبيين وبعد لو شفتي بت المرتضى بهالحال. . . ساعة للنهر تركض وساعة اتطيح يم حسين مصايب هالجرت ليكم. . . مثلهه ماجرت عالناس ولا تجري ابد بعدين ريضيتوا بقسمة المعبود. . . وعشتوا بقهر مظلومين انتوا فخر هاي الناس. . . وبيكم احنه مفتخرين وشدينه العزم بالله. . . وبآل النبي المختار متمسكين والاسلام بيكم عالي الشان. . . وبراية محمد احنه منتصرين ــــــــــــــــــــــــــــــــ تمت بعونه تعالى ونسألكم الدعاء الشاعر الحسيني محمد السعدي | |
|