المدير العام المدير العام
اسم الدولة : الجنس : الابراج : عدد المساهمات : 367 نقاط : 865 النشاط : 0 تاريخ التسجيل : 19/11/2011 العمر : 63 الموقع : العراق العمل/الترفيه : مدرس لغة عربية متقاعد المزاج : الحمد لله والشكر على ما انعم علينا
| موضوع: قصيدة ((الغرور والحساب)) السبت سبتمبر 01, 2012 1:30 am | |
| [ندعوك للتسجيل في المنتدى أو التعريف بنفسك لمعاينة هذه الصورة]قصيدة ((الغرور والحساب)) محمد عريبي حبيب السعدي أبد لا تتفاخر يصيبك غرور هاي دنيا وللفنا آجالها وأبد لتأمن وتترك هالعبادة شوية اتعب للفروض اسعالها خلي فكرك يم اله العالمين وخلي قلبك يخشع الأعمالها وابد لاتنسى نصيبك بالحياة بس ابد لتخلها غاية وتستطيب أفعالها الدنيا اغواء وهوى وزينة تزول وما يصيبك منها غير أرذالها اقرة واخذ دروس من رب العباد من كتابه الذكر بيه أحوالها والظلم لا تمشي بيه وابد لا تاكل حرام تعيش بالدنيا حقير وبالقبر إذلالها
عوف كلشي يبعدك عن أصل دينك واخلص النية الإله العالمين اخلص النية وأبد لاتنسى نفسك لان لحظة وتنتهي وتصبح سراب اشما عشت بسنين عمرك يجي يوم ولازم اتفارك أحباب وشما بنيت قصور وتجمع أموال هوه ذاك الخام الأبيض جالضباب هيه ذيج الحفرة لو سرداب اظلم لو جثث متناثرة فوك التراب ولا تكول انه ميت وخلصت وراح أنام وأستريح من الحساب شلون بيك ولو اجوك الملكان ولا يفيد الندم لحظة وابد ماينفع عتاب ومايفيد اخداع وياهم ولا تحلف يمين لان كل أعمالك مسجله بكتاب تالي حتى أعضاء جسمك كلها تشهد بالعملته والجنيته بهالسنين
تدري شنهو يخلصك يوم الحساب تعتقد من كل ضميرك بالخلق هاي الأكوان ولازم اتصدق النبوة وتعمل بنهج الرسالة وتجعل القرآن دربك للبيان ولازم اتأدي الحقوق اللي عليك بقلب صافي وتحفظ السانك وأبد لاتستهان وهاي دنيا وبالك يفوتك درس من الدروس لان هاي دروسنا كلها امتحان يبقى هذا الأمر يمك وانت صاحب الاختيار لو درب كله هداية يسكنك أعلا الجنان لو تسير بدرب اظلم للمهالك ياخذك وتالي ويه إبليس تكعد بالذلال وبالهوان يبن آدم انت التحدد مصيرك بالحياة قرر واخذ القرار بعقل راجح واتزان العقل درة ونعمة من رب العباد كرم الإنسان بيه دون خلقه أجمعين احمد الله واشكره كل صباح وكل مساء ودائما ابتدي بأسمك يا إله العالمين وصلي دوما عالحبيب المصطفى وأهل بيته الطاهرين وصحبته المنتجبين إلك يارب العباد أشكو حالي انت جاهي وملاذي ورحيم المؤمنين اغفر الذنب العظيم واعفو عني وبرحمتك يا إلاهي تعفو عن المذنبين اكشف الغم الشديد عن بلادي وأحفظ اللهم أهلي وجميع العالمين والطريق الخير سدد خطونا وانصر الإسلام بالنصر المبين *** تمت بإذنه تعالى ونسألكم الدعاء مع أطيب تحيات ** محمد السعدي
| |
|